Popup

ouled bab allah
Sans titre

Numéro de la piste Titre Classement Nombre d'écoutes Télécharger Ajouter à mon blog Actions
1 Sans titre
684 lectures
2 Piste 2
344 lectures
3 Piste 1 Moula lamane
304 lectures
4 Sans titre
203 lectures

Tu n'as pas la bonne version de Flash pour utiliser le player Skyrock Music.
Clique ici pour installer Flash.

PRESENTATION

PRESENTATION
contact : maallemganga@yahoo.fr

اولاد باب الله est une formation qui a vu le jour en 1997, et dont le jeux musical se base surtout sur la création à partir d'une matiére premiére locale "parole avec un dialecte plus ou moin classique", instruments et air musicaux locaux , ainsi que les thémes on éssaye au maximum de leur garder une identité locale.
اولاد باب الله est un trio, dont les membres sont :
HOSNI Adil : Saxophonne, Clarinette.
FARAH Redouane : Guitare, Composition, Chant.
HOSNI Kamal ; Chant, Parole "zajal", Guitare, Ney "Flute Arabe,





مولا لامان

ايا مولا الامان فين النظام
الكلام المعسول الترفاس و التقدام
عايشين في غابة كبيرة وحوشها كثيرة
هذه غابة ما هي بحال الغياب
ضايتها مسمومة و مراضها خطيرة
اللي شرب من ماها تجبر و ساب
اللي شاط على السبع لصحاب النفوس الشريرة
وصاحب العفة ظنه خاب
تلاوحت فيك ازماني ما هنات لي فيك سريرة
بكيت على وعودك ازين الكلام الكذاب
عندك وعود حلوة عسل
لعقل بنادم تخبل
كلامك ينشف بحر وسط الوديان درتيو جبل
و في رمشة عين السين يعود جيم
الطليق يعود سجين و السياسي المسكين
و ركبنا في سفينة سيادي و سفينة الله
رايسها مهموم همو المال و الجاه
حكيم غابتنا قال ليه قول انشاء الله
و يا الطامع في هم الدنيا راه خاب رجاه
اللي سلاتو خليلتو موتو اهون له
واللي بكا على فراق حبيب الدنيا غراه
يا الداعي للخاوة يا الداعي للحق
يا هازفي يده هراوة و لحقوقنا تسحق
بوعود و كلام حلو لمصالحك تحقق
رد بالك من دعوة المظلوم و بخوك بنادم رفق
شحال منه عظيم تجبر مات في دار الحق
شحال منه مظلوم طغيانك به لحق
وسخ الدنيا يبقى فيها نحمد ربي اللي يرزق
مكتوبي بين يديه و حسابي معاك غدا نهار الحق
يا السامعني عذرني و لا تلومني على كلام
ماني وازن ليه قافية ما عارف معناه
المعنى بالمعنى و قليل النباهة يفهم
و الشاطر في حياته اللي من كلام الناس يسلم
لا حنين لا رحيم محاين الدنيا و تعلم
قلوب الحجر ما تعف ولو كانت الصخور تتكلم.
[ Ajouter un commentaire ] [ 7 commentaires ]

# Posté le samedi 09 mai 2009 14:39

Modifié le mercredi 03 juin 2009 10:26

le retour

le retour
الــــديــــــب الــــــخــــــــــــــــــــــارف و الحمار الهرناط

شرقت الشمس الغايبة و جاني وحش الغمام.....
نزل العالم من المرتبة و طلع من ما عنده مقام!!!!!
حمير حرة تزععرط في الرحبة
و خيل في مرابضهاقلال لها الشان.....!!!
شلا من تزاد في فمه معلقة مذهبة
!!!!! و كاين لي في قوت يومه تهان
أنا مغربي من جدودي ومن با
و لي شك كلامي ليه برهان!!!!!
نوصيكم يا شباب لا تطولوا مقامكم في الغربة ر اه
الحمام و لو يهجر في المشتا تصيف الوقت وزيان في عينه المقام!!!
الكرم عطا غلتو و الوكال ما جمد الله
هم كلشي يعمر سلتو و المضيوم ما صاب دواه!!!
الصاحب في راسو غايتو بغا يتغدى و يدي عشاه
و المعروض لي ما يقنعو الموجو د
غير فرقو و قطع لغاه......
و كيفاش علاش دوارنا خواه العلام ؟؟؟؟؟؟؟؟؟
ياك و ما ما بقا فينا يدام؟؟؟؟؟؟
العلام خوا الدوار في نصاصة الليل
يا سعد من تخلات دارو على كلمة حق ما عاش دليل!!!!!
حاكم القبيلة صدر قراره سفهو العلام و من كان له خليل
مول الحق الشيطان غارو
ايه و الأفاق مرزن و ثقيل!!!!!!
الديب جهل و هبش المطمورة تشبه ليه عضم في كبالة
السارح فطن لو و جبد معاه بمقلاع من سطح النوالة
تقلب تباطين الديب و بقا يسرح في الفصة كيف البهيمة
و منين عشات الليل خلا يدخل لغاره و بغا يبيت في الخيمة
خواتو مولات الدار و بقا يصيح ها عارك اختي حليمة......َ!!!!!!
و ياك الديب غار ديب؟؟؟؟؟؟؟؟...........
يا سلام يا سلام
شحال طاحت من صمعة و عديتو بالحجام
يا سلام يا سلام
خليتو على مشية الغراب و بغيتو تقلدو الحمام
يا سلام يا سلام
فينو السلام و فينو النظام؟؟؟؟؟؟؟
يا سلام يا سلام
شحال منو تصرط لحم و لاحو فيه غار العظام ؟؟؟؟؟؟
لا سلام ولا سلام
على الحروب اللي شاعلة في العالم......
لا سلام ولا سلام
على حياتي لي ما بقا فيها يدام .......
لا سلام لا سلام
لي ربى لحية يبدى يفتي في الاسلام......!!!!!
لا سلام لا سلام
كثر اللغى ها كيف كيف ها العدل و الاحسان
لا سلام لا سلام
كلها ينش على كبالتو و فينو البرهان
ايوا سلامي ليكم كاملين ................................
حمار هرنط في القاعة
و اقسم يايمانو لجام الرحى لا زاد فيه ساعة
الخماس تعجب من لحمار
و نادى على مول الارض باش يشوف ليهم قرار
سولو لحمار على تهرنيطته اللي خلعت مالين الدوار؟؟؟؟؟؟؟؟؟؟؟؟
جاوب بلي البهايم كاملة تشقى في البحيرة و تروح
و هو المضيوم ثقل الدنيا ينقله ختى ظهرو تفلحَ!!!!!!!!!!!!!!!!!!!!!!!!!!!!!!
تحمعو الخماميس و ضحكو على الحمار لي عتارض
و كلهم عارفين باللي الخماس الى ضرب في الخماس كا يكون صداعهم من سعد مول الارض
و تجمعت البهايم و هناو الحمار على نضالو!!!!!!!!!!!!!!!!!!!
و قالو لو من غامر نال و من خاف ما يسال والو
غمز الحمار و خاف على حياتو!!!!!!!!!!!!!!!!!!!!!!!!
و زاد تيقن و ثبت منين خميع البهايم سولاتو
الى الحمار بن لحمار ما هز ثقل و ما شقا على سيادو في البحيرة
علفو زايد فينا و خدمتو الى مادرها البغل نفرقوها على ولاد الديور الصغيرة
و من تمة تيقنت الحمير بلي الحمار حمار ليه الثقل و الدراس
و الخدم عبيد مول الارض و ماكلة الشياطة للخماس.!!!!!!!!!!!!!!!!!!!!!!!!!!!!!!![/size]
[ Ajouter un commentaire ] [ 3 commentaires ]

# Posté le samedi 09 mai 2009 14:49

Modifié le dimanche 10 mai 2009 14:20

MP3 : ouledbaballah / Piste 1 Moula lamane (2009)

[ Ecouter ce morceau ] [ Ajouter ce morceau à mon blog ]

  • Titre : Piste 1 Moula lamane
  • Album : ouledbaballah
  • Année : 2009

Paroles :

الكلب زين الوفاء

الكلب معروف بالوفا زادو جوعوه باش يتبعهم
حفاو له سنانو في الخفا و تيقنو عمره ما يغدرهم
طرقوا ليه المسمار على الحفا و كان حب المال هو سبابهم
بين الخو و خوه عاد الجفا و راه جاي نهار الذيب ينفرهم
لاقاني الكلب بن الكلب و سالني على قفيتي دايما هاجياه
حكيت ليه على حلم صبايا ايام كنت باغي نعيش طلاقة الطير الحر في سماه
و بقى الديب يزين لي فعلي و لغايا و نهار ضربت الفقد لقيت لي عطى الله عطاه
يا سعدات من ما خدا من زمان و دار بوصايا راه يديه و يجيبو ينسيه يغرمو بلا هواه
عمري ما سرقت و نهار درتها حرقتني اللقمة في لهايا بعد ما كان الواحد جوعان صدقت الحرقة مصوماه
عمرني ما شبعت و تعففت على كل غاية شحال من ضرعة ناشفة نفرت الرضيع من مو لي والداه





تـــــسريـــحــــة اللـــســـــان

الشــــــــــاري عــــطــــــــى جـهدو
و البايع طلع للجبل و زاد في الدلالة
كل قاضي حكامو بوحدو
و كل عالم بحب المال طال مقامو في الجهالة
باب ريح الطمع نوصيك سدو
راك تسهى تصبح هالك ما تلقى مقالة
ليهم الحساب مثني معانا يفردو
حكامهم موقوف التنفيذ و حنا ساري المفعول لا محالة
يد شي فوق شي و يد الله مع الجماعة
تقضي غرضك خصك ترشي
و تقول الناس فيها مجاعة
مشرط الحناك في كرشو يخشي
و خرج من دار الدين و الطاعة
صليت على نبينا احمد القرشي
عريس القيامة و زين الشفاعة
تأملت أمرهم و رصدت كلام
قلت يسمعوه يتصلح حالهم
عاد حالهم كيف حال سرب حمام
غيامت السما بدلوا مقامهم
يا الفاتي في الدين وقفة نظام
و لا ما عجبك حال ناس لا تلومهم
لا تعادي من خالفك في كلام
و لا تجادل و تكره الناس في بعضهم
جميع الجنوس ولاد حواء و ادم
و جميع الديانات وحدو الله اللي خلقهم

وزيعة الهموز

اواه اواه وانتوما شوروا علينا
الا كنا حنا تلاميذ اليوم ليكم و غذا راه لينا
طحتو على الزرود و البرارد
و عيدنا بالماء و السكر و فارينة
طاحت الذبيحة تمرمدتوا معها في الأرض
شربتوا دمها كلتوا لحمها خضر ما شبعتو بغيتو تكملو بنا
طير طار علا في سماه
زق زقة جاتني على كتافي
طحتوا على الواد نشفتوه من ماه
ما شبعتوا ما بغيتو تقولوا صافي
يا الحالب القرة حليب
و يا جاني غلة الأشجار
كون قانع و دير بحساب الغيب
و احمد و اشكر الرب القهار
و راه سر العوينة تنشف و لو طال الزمان
و راه غلة الأرض تخرف و اللي ما عف يتهان
محايني على الأيام دايزة تشالي كيف البرق
البقر عاد ليه الشان
و مول النفس عاد بعزة نفسه يتحرق
و انا ناعس شفت في المنام
جنوس هاجمة ما تحكم بالحق
يسلبوا ملاك غيرهم و كريم القوم يتهان
اللي في الارض ديالهم و اللي في السما يسالوا فيها الحق.






النـــــــــــــــــــــواعـــــــــــــــــــــــر

شلا ما نوعرتو في الخفا
و ظنيتو الكسيبة نسات ما دوز عليها الذيب
بعد ما كلتوتا النوى لحتو الجلفة
السارح حكم الضرعة و بقات الخرفان بلا حليب
الساقي من راسو في يديه مغرفة
يقدم من بغى و يوخر عزيز النفس و الحكيم و اللبيب
فطامة الرضيع شهرين بالوفا
و حصانة العزبة في زواجها لا يتفجع قلبها بغدر الحبيب
من زيناتو حليب بيوضة و صفى
و من زيناتها بسمة خدودها مبشورة كيف الورد في العزيب
ايامكم زهو ولينا الضرك و الحلفة
قريب موالين العرس يشبع و البعيد ليه العظام و لو كان صليب
شكيت ليك العالي حينت الحالة ضعيفة
و الخير يا سيدي يا ربي من عندك جانا
و زدت حمدت الله الأمور خرجت طريفة .
و الحكيم لي تمنيناه ينصفنا عرانا
لبست دربالة و شي لباسو حرير و قاطيفة
و شلا من في قلبو الغل و نسى بللي الدنيا فنيانة
قلت نتزين درت صدفة
و شلا من دجار عقيق و لويز و لوبانة
بقيت نرصد الكلام لقيت راسي لا حرفة
اذا ردك البخيل عند الكريم تبات سويرتي و عليك ا مولانا
اللي في الزلط واحل و اللي عايش في الدفا
نتحسر على نسا بغات تزين بقات تدور في الزنقة عريانة
[ Ajouter un commentaire ] [ 3 commentaires ]

# Posté le lundi 11 mai 2009 11:55

Modifié le samedi 25 juillet 2009 07:22

MP3 : ouledbaballah / Sans titre (2009)

[ Ecouter ce morceau ] [ Ajouter ce morceau à mon blog ]

  • Titre : Sans titre
  • Album : ouledbaballah
  • Année : 2009
[ Ajouter un commentaire ] [ 1 commentaire ]

# Posté le lundi 11 mai 2009 12:01

MP3 : Sans titre (2009)

[ Ecouter ce morceau ] [ Ajouter ce morceau à mon blog ]

  • Titre : Sans titre
  • Année : 2009
[ Ajouter un commentaire ] [ 1 commentaire ]

# Posté le lundi 11 mai 2009 12:16